FMMZ - Fondacioni Motrave Muslimane Zvicër

Organizatat muslimane kanë reaguar menjëherë, duke e akuzuar deputetin Philip Hollobone, se seriozisht vë në pikëpyetje detyrat e tij si parlamentar, raporton BBC.

Hollobone thotë se në fillim do ta lusë gruan që ta largon mbulesën, e nëse ajo nuk pranon, ai do të refuzojë të bisedoj më tej për shkak se nuk mund të jetë krejtësisht i sigurt se me kë flet dhe do t’i lutet që t’i drejtohet me anë të letrës.

Në komentin editorial, Independent shkruan se përkundër faktit se mbulimi i fytyrës bie ndesh me vlerat e shoqërisë britanike, toleranca fetare dhe kulturore që ka qenë karakteristike e Britanisë duhet të vazhdojnë të ekzistojnë ende.

Ideja që policia t’i gjobit gratë e mbuluara në rrugë është "jashtëzakonisht e pështirë" dhe mund të çojë në keqësimin e mëtejshëm të pozitës së gruas muslimane, dhe kjo nuk është një zgjidhje, paralajmëron Independent, duke sugjeruar se presioni social i shumicës, për të cilën mbulimi i fytyrës shpreh shtypjen e dinjitetin njerëzor, është mënyra e vetme e pranueshme e cila lidhet me këtë çështje.