FMMZ - Fondacioni Motrave Muslimane Zvicër

"Ne nuk do të braktisim nikabin, mos na detyroni që ta shkelim ligjin!"

Një grup i grave që mbulojnë fytyrën me nikab, por edhe qytetarë tjerë që i përkrahin ato, kanë protestuar në platonë para ndërtesës së institucioneve të Bosnjës e Hercegovinës në Sarajevë sepse Aleanca e Social Demokratëve të Pavarur (SNSD), parti politike nga Republika Srpska, nisi iniciativën në parlamentin shtetëror për kalimin e ligjit që do të ndalojë mbajtjen e nikabit në BeH. Sipas SNSD-së niqabi është veshje e cila e pamundëson identifikimin, ndërsa gratë që e veshin atë deklarojnë se për ato kjo do të thotë shumë më tepër se një veshje, me kufizimin e saj vie në pyetje ushtrimi i lirisë së tyre fetare dhe mënyra e jetës dhe e drejta e njeriut nga e cila në asnjë mënyrë nuk duan të heqin dorë.

Nismën e SNSD këto gra e konsiderojnë si provokim me një sfond politik në parlamentin shtetëror, fashizëm dhe përpjekje për satanizimin e grave të mbuluara muslimane.

Në prag të seancës në parlament, ku gjatë kësaj jave duhet të diskutohet për nismën e SNSD-së, pjesëmarrëset e protestës do të dërgojnë një letër për të ftuar parlamentarët tjerë që të mos respektojnë ligjin e propozuar, sepse, në të kundërtën, siç thuhet, si ligjvënës do të zhyten në shkelje të të drejtave dhe lirive të njeriut.

Naxha Dizdareviq, e cili ka marrë përgjegjësinë për organizimin e protestës së djeshme, u tha gazetarëve se gratë nën nikab kurrë nuk kanë dhe nuk do të shkelin të drejtat e askujt dhe kundërshtoi me forcë shpjegimin SNSD-së, që sipas tyre kjo mënyrë e veshjes pengon identifikimin.

Në të gjitha institucionet përgjegjëse për përcaktimin e identitetit të qytetarëve punojnë gratë të cilët mund të identifikojë muslimanet e mbuluara, "tha Dizdareviq.

Nëse ligji i SNSD-së mbështetet nga Parlamenti, kjo do të thotë se gratë e mbuluara nuk mund të jetojnë sikur më parë, ngase ato nuk dëshirojnë të heqin dorë nga nikabi. Ato nuk mund t’i paguajnë dënimet e përcaktuara, nuk mund të shkojnë jashtë në rrugë apo të edukohen dhe të avancojnë karrierën e tyre, nuk mund t’i dërgojnë në kopsht fëmijët e tyre, të shkojnë në dyqane apo të paraqiten në çfarëdo vendi tjetër publik.

Një bashkëmendimtar i saj, i gjinisë mashkullore, pjesëmarrës i protestës së djeshme, gruaja e të cilit gjithashtu është e mbuluar, tha se miratimi i këtij ligji do t’i godiste jo vetëm boshnjaket, përkrahëset e nikabit, por edhe gratë që vijnë nga vendet ku tradita iu dikton mbulimin e fytyrës në vendet publike.

Pjesëmarrësit e protestës kanë bërë parulla me porosi se nikabi është mbajtur edhe më herët në Bosnje dhe se do të mbahet përgjithmonë.

Protesta është siguruar nga policia në zonën përpara godinës së parlamentit të shtetit, si dhe në udhëkryqet përreth. /sarajecoX/